Ku gicamunsi cyo kuri uyu wa 11/05/2022 Guverineri w'Intara y'Amajyaruguru yitabiriye umuhango wo gutangiza ku mu garagaro Itorero ry'abakozi ba Sosiyete Gishinzwe Ingufu (REG) rigomba gukorwa kuva 10-18/05/2022 ribera mu kigo cy'igihugu cy'Ubutore cya Nkumba. Umushyitsi mukuru muri uyu muhango yari Minisitiri Dr BIZIMANA Jean Damascene wa MINUBUMWE. 

Intore zose ni 245 barimo abagore 42
Hamwe n'abatoza 45. Izi ntore zikaba zigabanyije mu masibo 8 yakozwe hashingiwe kundangagaciro za REG.
Minisitiri wa MINUBUMWE mugutangiza itorero yibukije izi Ntore ko nyuma y'ubunyamwuga burya umukozi aba akeneye indangagaciro arizo zimufasha kunoza umurimo ashinzwe ari nazo akenshi zivomwa mu Itorero byiyongera kuburere tuba twarahawe.
Nyuma yo gutangiza iri Torero; Minisitiri wa MINUBUMWE yahaye izi Ntore ikiganiro gifite umutwe ugira uti: UBUMWE BW'ABANYARWANDA NI INSHINGANO, AMAHITAMO N'ICYERECYEZO CYA BURI MUNYARWANDA.